जय भुँडी निबन्ध सङ्ग्रहमा प्रयुक्त भाषाशैली {The Language and Style Used in The Essay Collection "Jai Bhundi"}

Abstract

प्रस्तुत लेखको उद्देश्य जय भुँडी निबन्ध सङ्ग्रहमा प्रयुक्त भाषाशैलीको विश्लेषण गर्नु हो । पुस्तकालयीय अध्ययन प्रक्रियाबाट तथ्य सङ्कलन गरी जय भुँडी निबन्ध सङ्ग्रहलाई प्राथमिक स्रोत तथा भाषाशैलीसँग सम्बद्ध सैद्धान्तिक पुस्तकहरूलाई द्वितीयक स्रोतका रूपमा लिइएको यस लेखमा वर्णनात्मक विधिको उपयोग गरिएको छ । अध्ययनबाट विश्लेष्य निबन्ध सङ्ग्रहमा मानक व्याकरणका मान्यतामा सीमित नबनी साहित्यिक कृतिलाई कलात्मक र सार्थक तुल्याउन शैलीविज्ञानमा स्थापित भाषाशैलीका विविध उपकरणको प्रभावपरक उपयोग भएको पाइएको छ । निबन्ध सङ्ग्रहमा भाषिक तत्वहरूको आवृत्तिमूलक प्रयोग र विचलनयुक्त भाषाले प्रस्तुतिलाई कलात्मक बनाएका छन् भने अभिव्यक्ति आलङ्कारिक देखिएको छ । विचलनयुक्त भाषाशैली प्रयोगमा आधिक्य रहेको विश्लेष्य निबन्ध सङ्ग्रहमा निबन्धकारले व्यङ्ग्यात्मक शैलीबाट यथार्थ विषयवस्तुलाई उद्घाटन गरेका छन् । यस अध्ययनबाट भाषिक कला र प्रस्तुतिको चातुर्यका कारण जय भुँडी निबन्ध सङ्ग्रह पाठकमैत्री, प्रभावकारी तथा कलात्मक बनेको निष्कर्ष प्राप्त भएको छ ।