नेपालका प्रमुख राजनीतिक दलका घोषणापत्र (२०७९) मा शैक्षिक सवाल

Abstract

प्रस्तुत लेख नेपालका प्रमुख राजनीतिक दलका घोषणापत्रमा शैक्षिक सवाल भन्ने विषयमा केन्द्रित छ । समान राजनीतिक दर्शन, सिद्धान्त, नीति र कार्यक्रममा आस्थावान मानिसहरुको स¬ङ्गठित समूह नै राजनीतिक दल हो । नेपालको वर्तमान संविधानले दलीय व्यवस्थालाई अंगिकार गरेको छ । लोकतान्त्रिक व्यवस्थामा राजनीतिक दलहरु देशको विकास र समृद्धिका लागि औपचारिक प्रतिस्पर्धी अभिकर्ताहरु हुन् । आवधिक निर्वाचन दलीय व्यवस्थाको अनिवार्य सर्त हो । दलहरु निर्वाचनमार्पmत सत्तामा पुग्ने र बाहिरिने गर्दछन् । निर्वाचन हुनुपूर्व आफूले चुनाव जितेर सत्तामा गएपछि दलले गर्ने प्रमुख कामहरुको फेहरिस्त नै निर्वाचन घोषणापत्र हो । वि.सं.२०७९ को प्रतिनिधिसभा तथा प्रदेश सभाको निर्वाचनमा नेपालका प्रमुख राजनीतिक दलहरु नेपाली काँग्रेस, नेकपा (एमाले) र नेकपा (माओवादी केन्द) हुन् । निर्वाचन प्रयोजनका लागि उनीहरुले तयार गरेका संकल्प पत्र, घोषणापत्र वा प्रतिबद्धता पत्रका आधारमा उद्देश्यमूलक नमूना छनौट विधिको प्रयोग गरी यो लेख तयार गरिएको हो । प्राथमिक तथा द्वितीयक स्रोतका यी सामग्रीहरुको अध्ययन गर्दा दलहरुका घोषणापत्रमा नेपालको शैक्षिक सवाल प्राथमिकतामा नपरेको र सबै दलका घोषणापत्रमा एकरुपता पनि नभएको देखिन्छ । तसर्थ सबै राजनीतिक दलहरुले आप्mना घोषणापत्रमा सिद्धान्त र व्यवहारमा एकरुपता कायम गर्ने र व्यवहारमा इमान्दारीपूर्वक कार्यान्वयन गर्न प्रतिबद्धताका साथ जवाफदेही रहनु पर्दछ भन्ने सुझावहरु औंल्याइएको छ ।