बुद्ध सायमिया कविताय् वर्गद्वन्द्व

Abstract

मार्क्सवादया मूल आधार द्वन्द्वात्मक भौतिकवाद ख: । मार्क्सं चेतनायात मखु पदार्थयात अन्तिम सत्य स्वीकार या:गु दु । संसारय्‌ हरेक वस्तुइ द्वन्द्व जुयाचोंगु दइ । अन्तरविरोधया कारणं हे हरेक वस्तुइ गतिशीलता दइ, न्हूगु सृजना जुइ, पुलांगु नष्ट जुयावनी । पुलांगुयात निषेध मयाय्‌कं छुं नं क्षेत्रय्‌ प्रगति जुइमखु । मानव सभ्यताया विकास हे वर्गद्वन्द्वया कारणं जूगु ख: । उकिं मार्क्सं मानव समाजया विकासयात वर्गसंघर्षया इतिहास धा:गु दु । थुगु चोसुइ बुद्ध साय्‌मि 'जि जिगु वर्तमान' व 'जिन्दगी बँय्‌ वा:गु हि चेतनाया मि' निगू सफूदुने दुथ्यानाचोंगु कविताय्‌ वर्गद्वन्द्वया चित्रण गुकथं जुयाचोंगु दु धका: विवेचना यानात:गु दु । बुद्ध साय्‌मि आर्थिक विभेदया कारणं समाज वर्गय्‌ विभाजित जूगु, चोय्‌या वर्गं कोय्‌या वर्गयात शोषण यानाचोंगु अवस्थाप्रति सचेत जू । वर्गभेद सृजना याय्‌त धर्मं नं गुहालि यानाचोंगुप्रति विरोध याना: अध्यात्मया बन्धन चो:फुइत आह्वान यानादीगु दु । मार्क्सं थें शोषित–पीडितपिं सचेत जुयाः न्ह्यांवना: वर्गविहीन समाज दय्‌केगु इच्छा प्वंकादीगु दु ।