राशिफलको मनोविज्ञान [The psychology of horoscopes]

Abstract

अहिले कुनै पनि व्यक्तिको जन्मकालमा चन्द्रमाको अवस्थाका आधारमा तय गरिने मेष वृष आदि राशिहरू र तिनका फलहरूका बारेमा नसुनेको या चासो नराखेको सायद कोही पनि छैन होला । दुई दशक अगाडिसम्म पनि यो कुरा त्यति धेरै चर्चा एवं जानकारीको विषय थिएन ।  विहान उठ्ने बित्तिकै सञ्चारमा माध्यमहरूमा आफ्नो राशिफल खोज्ने, पढ्ने र फलअनुसारको राम्रो नराम्रो वा तटस्थ मनोभावनाले या कृतिम तटस्थ मनोभावले त्यसमाथि प्रतिक्रिया व्यक्त गर्ने वा अनुभव गर्ने गरेको पाइन्छ । राशिफलले कतिपयको मनस्थितिलाई क्षणिकरूपमा भने कतिपयको मनस्थितिलाई लामो समयसम्म केही न केहीरूपमा सूक्ष्मरूपले प्रभावित गरिरहेको हुन्छ । ज्योतिषशास्त्रमा राशिफलको सैद्घान्तिक आधार के हो र यसले कसरी काम गर्छ भन्ने कुराबारे हामीहरू स्पष्ट नहुँदा यसबाट दिग्भ्रमित हुने, अनावश्यक तनाव व्यहोर्नु पर्ने एवं आर्थिक क्षति समेत हुने अवस्था रहन्छ । ज्योतिषशास्त्रहरूमा ग्रहहरूले आफ्नो आफ्नो कक्षमा भ्रमण गर्दा राशिहरूसँग उत्पन्न हुने कोणीय अन्तरले तत् तत् राशिका व्यक्तिहरूलाई पार्ने प्रभावका बारेमा व्याख्या गरिएको छ । ती ग्रहहरूको गतिले तत् तत् राशिहरू माथि ग्रहको प्रभाव कति समयका लागि रहन्छ भन्ने कुरा निर्धारित हुन्छ । कुनै पनि व्यक्तिलाई ग्रहहरूको जन्मकालिक बलाबल तथा शुभाशुभत्व अनुरूपकै प्रभाव ती ग्रहहरूको गोचरफल