खुंडो ओठ कथामा प्रजाति, क्षण र पर्यावरण 'Khudo Ooth' Kathama Prajati, Kshyan ra Paryabaran

Abstract

प्रस्तुत लेखमा समाजशास्त्रीय मान्यताका आधारमा खुँडो ओठ कथाभित्र रहेका प्रजाति, क्षण र पर्यावरणको पहिचानगरी विश्लेषण गरिएको छ । प्रसिद्ध समाजशास्त्री हिप्पोलाइट एडल्फ तेनको समाजशास्त्रीय मान्यतालाई आधारमानी सोही सैद्धान्तिक मान्यतासँग समानता राख्ने यस कथाभित्रका सन्दर्भहरू उल्लेख गर्दै अध्ययन विश्लेषणगरिएको छ । विशेषतः तेनका समाजशास्त्रीय मान्यता अन्तर्गत प्रजाति, क्षण र पर्यावरणलाई यस कथाकोविश्लेषणको आधार बनाइएको छ । यस कथामा प्रस्तुत गरिएको जातिगत विविधताको अवस्थाका बारेमा केलाउनेकाम जाति शीर्षक अन्तर्गत गरिएको छ । यस कथामा प्रस्तुत भएका समकालीन नेपाली समाजको मूल्य, मान्यता,संस्कार, संस्कृतिलगायत राजनीतिक घटनालाई क्षण शीर्षकभित्र राखेर अध्ययन विश्लेषण गरिएको छ । त्यसै गरीपर्यावरण अन्तर्गत समाजको भौतिक तथा प्राकृतिक पर्यावरणका साथै सामाजिक, सांस्कृतिक तथा राजनीतिक पक्षपनि समेटिएको छ ।