पारिभाषित आँखा उपन्यासमा शरीरमाथि उपभोक्तावादी संस्कृतिको प्रभाव र प्रयोग

Abstract

प्रस्तुत शोधलेख पारिजातद्वारा लेखिएको पारिभाषित आँखाहरू उपन्यासमा चित्रित शरीर राजनीतिअन्तर्गत शरीरमाथि उपभोक्तावादी संस्कृतिको प्रभाव र प्रयोगको अध्ययनसँग सम्बद्घ छ । यसमा शक्तिशाली वर्गले शक्तिहीन वर्गको शरीरमाथि गर्ने शोषण तथा दमनका साथै शक्तिशाली वर्गले आफ्नो अनुकूलको विमर्शद्वारा केकसरी कमजोर वर्गको शरीरमाथि शासन गरी कमोडिटीका रूपमा रूपान्तरण गरेको छ भन्ने जिज्ञासाको समाधान खोज्ने प्रयत्न गरिएको छ । यसका लागि शरीरमाथि उपभोक्तावादी संस्कृतिको प्रभाव र प्रयोगसम्बन्धी मान्यतालाई कृतिविश्लेषणको मुख्य आधार बनाइएको छ । अध्ययनका अन्त्यमा शक्तिशाली वर्गले विभिन्न विमर्शमार्फत नारी शरीरको विनिर्माण गरी वस्तुमा रूपान्तरण गरेको सन्दर्भलाई सघन रूपमा उठाएको छ । शक्तिहीन वर्गले आफ्नो स्व जोगाउनका लागि गरेको प्रतिरोध असफल भएको सन्दर्भ यथार्थका साथ प्रस्तुत गरेको निष्कर्ष निकालिएको छ ।