नेपालभाषाय् ल्याः ग्वः (अंक)

Abstract

नेपालभाषायात थीथीकथं म्हसीकेगु याः । नेपालभाषा छगू क्यातुगु भाय्, एकाक्षर प्रवृत्तिया भाय्, ह्स्वमय भाय् व क्लासिफायर ल्वाङ्ग्वेज आदि अनेककथं थ्व भाषा परिचित जू । संसारय् प्रत्येक भाषाया थःथःगु विशेषता दइ । नेपालभाषाया नं थःगु बिस्कं विशेषता दु । नेपालभाषाया थीथी विशेषता मध्ये ल्याःखँग्वःया नं अलग विशेषता दु । हिमाली पुचःया भाषा दुने थ्व भाषा लाःगुलिं थ्व पुचलय् लाःगु मेमेगु भाषा ल्याःखाय् थें थ्व भाषाया पद्धति उकथं हे वनाच्वंगु दु । नेपालभाषाया च्वज्याय् ल्याःग्वः स्पष्ट याय्गु, ताजिग्वःया बारे स्पष्ट याय्गु वा गुकथं छ्यलाच्वंगु दु , छुं नं वस्तुयात ल्याः खाय्बलय् पूवंक जक मखु उकिया अंश नं गुकथं ल्याः खाइ धइगु दुवालेगु हे थुकिया उद्देश्य खः । सामाजिक भाषा बैज्ञानिक सिद्धान्तया अवधारणाकथं प्रस्तुत जूगु दु । मीतव्ययीता व सरलीकरण थुकिया मूल सिद्धान्त खः । थन नेपालभाषाय् ल्याःखाय्बलय् सरल संख्यावाचक, संयुक्त संख्यावाचक, श्रेणीवाचक ल्याःलिसें ताजिग्वः दुने संज्ञा ताजिग्वः, क्रिया ताजिग्वःया विवेचना जूगु दु । थुगु लेख द्वितीय स्रोतविधिया आधारय् तयार जूगु दु । थुकिया लिच्वःकथं सरलसंख्या ल्याःवलधाःसा आखलं (छि, नसि, स्व........) च्वय्गु । संयुक्तसंख्या ल्याः वलधाःसा अंक (११म्ह, १२पुं........) च्वय्गु व २०, २१, ३०, ४०..........यात नी, नीछि, स्वी, पी यानाः न्ह्यनेया वर्ण दीर्घ याय्माःगु खनेदु ।