श्रीको खोजी कथासङ्ग्रहमा शक्तिको लघुराजनीति {The micro politics of power in Sri's investigative fiction collection}

Abstract

प्रस्तुत श्रीको खोजी कथासङ्ग्रहमा शक्तिको लघुराजनीति शीर्षकको यस लेखमा  मिसेल फुकोको शक्ति र ज्ञानसम्बन्धी मान्यताका कोणबाट कथाकार इस्मालीका कथाहरुको  विश्लेषण गरिएको छ । नेपाली समाजमा शक्तिको उपभोग गर्ने वर्गले के कसरी ज्ञान र शक्तिका बलमा  नेपाली समाजमा शोषण गरेको छ र त्यसको प्रतिरोध कसरी भएको छ भन्ने कुरा देखाउने उद्देश्यले यो आलेख तयार पारिएको हो । प्रस्तुत कथाको विश्लेषणका लागि चाहिने सामग्री पुस्तकालयका माध्यमबाट सङ्कलन गरिएको छ । फुकोका शक्ति, ज्ञान र सङ्कथन सम्बन्धी मान्यता प्रस्तुत गर्दा निगमनात्मक विधिको प्रयोग गरिएको छ भने उनका सैद्धान्तिक मान्यतालाई कथाभित्रका घटना र पात्रका माध्यमबाट पुष्टि गरिएकाले आगमनात्मक विधिको समेत उपयोग गरिएको छ । सुरक्षा निकाय, सरकार र राज्यका संयन्त्रमा मात्र शक्ति हुन्छ भनिने परम्परागत मान्यतालाई विनिर्माण गर्दै शक्तिको अस्थिरता देखाउनु र शक्ति कस्ता ठाउँमा लुकेर रहेको हुन्छ भन्ने कुराको खोजी गर्दै इस्मालीका कथाका आधारमा पुष्टि गर्नु यस लेखको प्राप्ति हो ।