सामाजिक रूपान्तरण र बुद्धिजीवी

Abstract

यो सामाजिक रूपान्तरण र बुद्धिजीवी शीर्षकमा लेखिएको अनुसन्धामूलक लेख हो । पाठकहरूलाई सामाजिक रूपान्तरणका लागि बुद्धिजीवीहरूको जिम्मेवारी कस्तो हुनुपर्छ भन्नेबारेमा उत्सुकता जगाउने उद्देश्यले यो लेख लेखिएको हो । समाजमा विभिन्न वर्ग, लिङ्ग, समुदायको मिलन र एकत्वको समष्टि नै समाज हो । प्रकृतिका हरेक चिज निरन्तर परिवर्तन र गतिशील भए जस्तै हाम्रो मानव समाज पनि निरन्तर गतिशील छ । समाज निरन्तर सूक्ष्मतम, मात्रात्मक र गुणात्मक ढङ्गले परिवर्तन भइरहेको छ । यसरी निरन्तर गतिवान् भएर बगिरहेको समाजको सकारात्मक परिवर्तन नै सामाजिक रूपान्तरण हो । सामाजिक रूपान्तरणमा योगदान पुर्याउने विभिन्न तत्त्व र समाजको महत्त्वपूर्ण वर्गमध्येको एक वर्ग बुद्धिजीवी वर्ग हो । यसले यो लेख समाजलाई अगाडि बढाउन अर्थात् सकारात्मक दिशातर्फ डोर्याइरहन कसरी आफ्नो भूमिका र जिम्मेवारी निर्वाह गरिरहेको छ र के गर्नुपर्छ भन्ने विषयमा केन्द्रित गरिएको छ । यसमा सामाजिक रूपान्तरण, बुद्धिजीवीको परिभाषा, उनीहरूको सामाजिक भूमिका, दायित्व र जिम्मेवारीजस्ता विषय उठान गरिएका छन् ।